«Менің елім-Қазақстан!»
2025 жылғы 24 қазанда еліміздің ең маңызды мерекелерінің бірі қарсаңында Екібастұз политехникалық колледжінде Қазақстан Республикасының күніне орайластырылған «Менің елім-Қазақстан!» атты мерекелік іс-шара өтті.
Колледж басшысы Канат Кабдиевич Коянбаев оқытушыларға, қызметкерлер мен студенттерге құттықтау сөз сөйлеп, Республика күні — Тәуелсіздік пен халық бірлігінің символы екенін, қазақстандықтарды еліміздің өркендеуі жолындағы жасампаз еңбекке шабыттандыратын мереке екенін атап өтті.
Колледж белсенділері, оқытушылар Б. Хожа мен А.М. Халикова және Студенттік парламент көрермендерге керемет көңіл-күй мен бірлік атмосферасын сыйлай отырып, өлеңдер, тілектер, билер және патриоттық әндер орындады.
