«Жасөспірім және тәртіп»: жастар арасындағы құқықбұзушылықтың алдын алу
2025 жылдың 16 сәуірінде «Жасөспірім және тәртіп» жедел-профилактикалық іс-шарасы аясында Екібастұз қаласының полиция қызметкерлері — капитандар Шиянбин Қ.Е. мен Қызылбаев Е.Р.-мен кездесу ұйымдастырылды.
Полиция қызметкерлері буллинг, бопсалау, тонау және басқа да құқықбұзушылықтарға жол берілмеуі керектігін ескертті. Өз тәжірибелерінен нақты мысалдар келтіріп, құқыққа қайшы әрекеттердің салдарын түсіндірді.
Сондай-ақ, интернеттегі қауіпсіздік, нашақорлық мәселелері, жыныстық қолсұғылмаушылық тақырыптары қозғалып, жастарды жауапкершілікке және салауатты өмір салтын ұстануға шақырды. Полиция өкілдерінің айтуынша, мұндай алдын алу шаралары жастардың құқықтық санасын қалыптастыруда маңызды рөл атқарады.
Жастармен профилактикалық жұмыс алдағы уақытта да жалғасын табады.
